ПЛАСТИЛИНОВЫЙ АИСТ  

Сёньня па тэлеэтэры
Абяцалі дождж і град,
Выпаўзаю я з кватэры,
А навокал - сонцапад!

Пад праменьнем два бамжы
Ў сьмецьці калупаюцца,
Нібы тыя мурашы,
Потам абліваюцца.

Коціць маладая матка
У калясцы немаўля,
Дзіцё пляскае у ладкі
І кайфуе ад сьвятла.

Цераз лужы веснавыя
Бабка ледзь кульгае
І тры касмачкі сівыя
Сонцу выстаўляе.

На шпацыр выходзіць мурка,
На катоў палюе,
І праменьне яе скурку
Золатам фарбуе.

Вось стаіць міліцыянт,
Ён зашыты ў "хакі" -
Гэты колер сонцапад
Не праб'е ніякі...

На БТ ля мапы цётка
Абяцае град,
А я ведаю усё-ткі:
Будзе СОНЦАПАД!!!